当Do姐遇上农夫翠如

睇《Do姐去shopping》，就紧係睇下农夫Do姐点开火喇！入面有唔少经典场面，望住农夫Do姐打情骂悄，翠如bb都要行埋一边。阴功猪，如果同洪永城part咪冇事啰，本身咪几有默契。到底农夫嘅妙语连珠有几好笑呢？依家逐一同大家睇！

农夫教路篇

1. DidDid 姐

第三集Do姐带住农夫翠如睇古董，欣赏下珠宝首饰。当时佢哋行到一个展览厅，嗰度啲首饰係外国着名影星戴过，c君就话，如果do姐求其戴一个，日后展览出嚟就会话DoDo戴过。Do姐紧係发火，点可以直呼其名。6永即刻爆肚，帮Do姐改咗个「过去式」名，全场人即时爆笑。

2. 做做姐 农夫唔单止教英文，仲教埋翻译，帮Do姐译咗个专属中文名「做做姐」。

3. 农夫扮Do姐

农夫话晒对咗Do姐咁耐，唔多唔少都学到啲嘢㗎！话唔定，佢地扮演Do姐相似度，仲劲过扮嘢王。

4. 傻傻分不清Do姐Liza姐 之前金刚叫错Liza姐做Do姐，依加农夫有样学样，调转叫一次，话补返数打和喎！事后Do姐话，觉得不知几荣幸，仲叫农夫叫多次添。

 

睇完农夫点揶揄及爱锡Do姐，Do姐当然会以德报怨，照带大家食好嘢拣正货！

Do姐报怨篇

5. Do姐餵陆永猪 Do姐旅行都不忘公司同事，话要去烤开心果店买手信。就喺试食期间，有得捧碟但无手试食的6永讲咗句：「如果有人餵⋯⋯」Do姐大人有大量，仍然有求必应，餵佢食嘢，仲附加一句：「我当餵猪咁样！」

6. 鹹点可以得意 农夫经常控诉Do姐成日shopping唔食嘢，Do姐咪带大家食个lunch。佢哋试咗个疑似拿破仑，但实质係鹹嘅千层酥。Do姐一试就话：「鹹嘅，几得意。」，之后仲问6永意见，佢咪copy Do姐话好得意喎！点之咁都出事？

7. 大乡里揶揄Do姐 睇下睇下！C君又有怨言，好彩Do姐皇恩浩蕩，都係得把口叫佢哋返香港，之后行程仍然预埋佢2个大乡里㗎。

8. Do姐推介shopping点 即使大家成日唔满意，Do姐仍然精挑细选，表示谂咗成晚终于搵到呢间店带佢哋去shopping啰！

Do姐话呢到每样嘢都好适合佢哋㗎！

 

毕竟 the show must go on，即使冇咗洪永城，翠如bb依然有自己做旅游节目嘅style。

 

翠如老点篇

9. 土豪大叫法 翠如教落！究竟点样可以突围而出，令自己唔使排队？留名睇Do姐表演。

10. 倒转了的memo纸

回到最初的起点第一集，Do姐人生路不熟，咩都指望晒「旅游达人」黄翠如。当佢哋去到舖头门口，发现事头婆出咗去，门口贴咗张纸，Do姐叫翠如即席翻译法文。

翠如被玩篇

11. 翠如也有萧正楠

翠如bb即使换咗拍档，但其实3位男主持嘅本质都唔差得几远，所以bb注定都係俾人串。

12. None of your business class

话说翠如bb check in时先发现，自己得优选经济客位，但农夫就坐商务客位，当然唔忿气，佢上咗机之后即刻霸咗c君个位。c君就四两拨千金，耍走咗bb。